Hoxe é Sábado 31 de Outubro de 2020

Bas clama contra Fomento e convoca unha asemblea en Chapela para mobilizar aos veciños

RR_Noticias

O alcalde de Redondela, Javier Bas daba un ultimato ao Ministerio de Fomento o pasado mércores. No caso de que non se concretaron prazos e datas para a fin da peaxe e a realización das obras pendentes en Chapela e Trasmañó anunciaba a posta en marcha de mobilizacións lideradas dende o propio goberno local. Trala visita de José Luis Ábalos a Galicia que cualificou de “decepciónante xa que seguimos coa mesma falta de información e concreción que nos atopábamos antes da súa chegada” convoca aos axentes sociais de Chapela, Trasmañó e Cedeira a unha reunión o luns ás 20:00 horas no multiúsos do Piñeiral do Crego.

Para Javier Bas é “inexplicable que transcorridos 4 meses dende o seu nomeamento, o ministro de Fomento veña a Galicia e non dea resposta a cal será a data de inicio das obras complementarias comprometidas por Fomento en Chapela e Trasmañó tras a ampliación da AP9, nin concrete a data de retirada do peaxe inxusta de Rande”.
Dende o Concello de Redondela “amosámonos indignados ante a falta de sensibilidade do ministro cos veciños que sufriron as obras de ampliación da AP9 sen obter beneficio algún, soamente prexuízos e molestias”. Estas demandas, que incluían a colocación de pantallas contra o ruído e a mellora do entorno das obras de ampliación “foron comprometidas por Fomento e a día de hoxe non teñen data de inicio”.
Ante esta situación e a “falta de sensibilidade do novo goberno socialista instalado en Madrid” convocan aos axentes sociais de Chapela, Trasmañó e Cedeira a unha xuntanza o próximo luns día 8 ás 20:00 horas no Multiusos de Chapela para informar da situación actual e determinar as accións a levar a cabo ante esta inxustiza contra a veciñanza.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *