Hoxe é Xoves 29 de Outubro de 2020

O Concello liderará as protestas contra Fomento se non hai un compromiso en firme para Chapela

RR_Noticias

O alcalde de Redondela, Javier Bas, lanza un ultimato ao Ministerio de Fomento. Co gallo da visita a Galicia do seu titular, José Luis Ábalos, que previsiblemente estará este mércores en Santiago, anuncia que o goberno local mobilizará aos axentes sociais no caso de que o ministro non achegue “datas e prazos concretos para a realización das obras pendentes na parroquia de Chapela e a fin da peaxe en Rande”.

Acompañado dos representantes da Asociación de Afectados pola AP-9, Javier Bas denuncia a falta de avances nos compromisos que tanto Audasa como Fomento adquiriran cos veciños de Chapela. “A situación non avanza dende a chegada de Pedro Sánchez ao goberno, vivimos unha situación de incerteza porque dende maio todo está pendente de que o proxecto no que se recollen as melloras para Chapela pasen polo Consello de Ministros”. Un proxecto que incluiría a reposición de viarios no ámbito de Chapela e Trasmañó así como a inclusión das prometidas pantallas acústicas para minimizar o ruído do tráfico na autoestrada e outras melloras pendentes por valor de seis millóns de euros. A estas obras habería que engadir a gratuídade da peaxe no tramo entre Rande e Vigo, sen data prevista. Lamenta Bas que a administración do estado “está a ningunear a Redondela” xa que malia ter solicitado o pasado 11 de xuño unha petición para abordar esta cuestión coa Subdelegación do goberno “polo de agora non tivemos resposta, o que demostra que “non hai sensibilidade cos veciños que durante todos estes anos están sufrindo as obras da ampliación da AP-9”. Entende o alcalde de Redondela que “unha vez superados os cen días de cortesía é o momento de actuar e non caso de que nas próximas horas non se nos dean prazos concretos convocaremos mobilizacións do mesmo xeito que xa o fixeramos no 2011”. Dende a Asociación de Afectados comparten a indignación do goberno local “esiximos que o actual ministro asuma os compromisos adquiridos polo seu predecesor e que bote a andar os proxectos de mellora”.  

Javier Bas alcalde
Liderar as mobilizacións
Parálise dende Maio
Pendentes dun Consello de Ministros
Esgotouse a paciencia
Ante a falta de resposta deciden actuar dende o goberno local
César Domínguez Afectados AP-9
Esixen que se cumpran os compromisos adquiridos por Fomento

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *