Hoxe é Martes 20 de Outubro de 2020

Vinte desempregados de Soutomaior e Pazos fórmanse en hostalaría nun obradoiro de emprego

RR_Noticias

O delegado da Xunta en Vigo, Ignacio López-Chaves, presentou este martes o obradoiro Hostalería Río Pequeno, posto en marcha pola Consellería de Economía, Emprego e Industria e compartido polos concellos de Soutomaior e Pazos de Borbén, no se que se formarán nos vindeiros nove meses 20 desempregados.

O representante autonómico, quen estivo acompañado polos alcaldes de Soutomaior, Agustín Reguera, e de Pazos de Borbén, Andrés Iglesias, puxo en valor o obxectivo da carteira autonómica cunha nova programación de obradoiros que “busca impulsar a empregabilidade de 2.000 persoas en Galicia”
Respecto ao obradoiro que se desenvolverá a partir de mediados de outubro na localidade de Soutomaior, o representante autonómico destacou o alto índice de empregabilidade da anterior convocatoria. “Foi de practicamente o cen por cen”, segundo apuntou o alcalde Agustín Reguera, quen insistiu en que na convocatoria 2018-2019 repiten as especialidades de cociña e restauración.
Nesta liña, o delegado da Xunta apuntou aos máis de 2 millóns de euros que a Consellería de Economía Emprego e Industria destina a este programa na área territorial de Vigo, en colaboración cos concellos de Vigo, Gondomar, Baiona, Nigrán, Redondela, Mos, Soutomaior, Pazos de Borbén, Cangas e Moaña, co obxectivo de aumentar as oportunidades laborais de 140 desempregados. En total poranse en marcha 7 obradoiros duais a través dos que os beneficiarios contarán cun período de formación de nove meses e un contrato laboral posterior de alomenos outros 3 meses.
Ata o de agora, os obradoiros de emprego ofrecían ás persoas sen traballo cualificación e un contrato de aprendizaxe durante 9 meses. Agora, ademais, a Xunta apoiará a contratación, como mínimo de 3 meses e a xornada completa, nunha empresa, onde os alumnos e alumnas do obradoiro poderán realizar as súas prácticas.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *