Hoxe é Martes 27 de Outubro de 2020

A Asociación de empresarios promove as novas tecnoloxías no comercio local

RR_Noticias

Estar presentes nas redes sociais e na web 2.0 é fundamental no mercado actual para poder ser competitivo. Para facilitar que os comerciantes locais acaden a dixitalización dende a Asociación de empresarios organizan esta semana un programa de charlas que arrancan esta mesma tarde ás 20:30 horas con Wajari Velásquez e un taller práctico sobre posicionamento SEO.

Ao longo de oito horas impartiranse nocións básicas en torno a posibilidade de poñer en marcha a venda a través de internet, daranse as explicacións necesarias para enriquecer as publicacións comerciais con imaxes e fotografías e farase fincapé en cal é o mellor xeito de empregar as redes sociais como instrumento de marketing.
Wajari Velásquez é o encargado de inaugurar o ciclo cunha actividade que se desenvolverá hoxe luns e mañá martes en horario de 20:30 a 22:30 horas na que falará de posicionamento SEO, é dicir, de como lograr que cando alguén realice algunha busca que poida ter relación co noso negocio, ser posicionado nos primeiros lugares nos buscadores. A través de talleres prácticos explicarase tamén como crear de xeito sinxelo unha páxina web ou unha tenda online.
Alba Sotelo será a encarga de falar o mércores, no mesmo horario, de cómo converter o teu móbil nunha ferramenta de marketing para conseguir o máximo impacto nas publicacións e, finalmente, o xoves será Berta Cortez quen falará de como e cando usar as redes sociais para atraer clientes ao noso negocio.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *