Hoxe é Luns 30 de Novembro de 2020

O PP defende a súa xestión cultural e acusa a Plataforma Siña Paca de moverse por intereses políticos

RR_Noticias

O Concello apoia aos artistas locais con máis de 80.000 euros en axudas directas e subvencións. Con este dato o goberno do PP de Redondela contesta ás críticas da recén creada Plataforma de Artistas e Activistas locais Siña Paca quen os acusa de “poñer trabas e non ceder equipamentos ás asociacións culturais” e anuncian que suspenderán a programación cultura do  próximo ano se non reciben máis apoio do Concello. Para o PP estas acusacións responden a “unha burda manobra política que da comezo á precampaña electoral”.

Engaden dende o goberno municipal que “para todos os festivais e festas populares que se celebran tanto no casco urbano como nas parroquias cédese de xeito habitual material eléctrico, valados, colocacións de puntos de auga, servizo de protección civil, mesas e mobiliario municipal”.
Sobre a negativa a cubrir co seguro municipal os eventos organizados dende diferentes colectivos aseguran que “é completamente ilegal que o concello cubra eventos que non son organizados pola propia administración” e engaden que “o descoñecemento da norma fai que nos acusen publicamente de cumprir a legalidade”.
A crítica sobre a falta de apoio a eventos determinados din “non ten máis percorrido que o daquelas persoas que cren a día de hoxe que se poden organiza eventos públicos sen cumprir as normas mínimas sobre seguridade”.
Amosan tamén o seu malestar polo feito de que se sumen a estas críticas dende a organización do Festival Internacional de Títeres cando “practicamente o 100 % das súas demandas son atendidas e tendo en conta que o importe da achega do concello incrementouse nun 25% dende que está gobernando o PP”.
Conclúe o PP asegurando que o seu goberno foi o que maior apoio amosou aos grupos locais a través da contratacións destas formacións musicais no cartel das grandes festas da vila.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *