Hoxe é Sábado 28 de Novembro de 2020

Alegan “cuestións de hixiene” para reprender unha veciña por non levar a parte de arriba do biquini

RR_Noticias

Os traballadores da instalacións da piscina municipal dos Tilos no concello de Teo dirixíronse a esta veciña de Redondela alegando que por “unha cuestión de hixiene” debía cubrirse os peitos. Un argumento que considera completamente absurdo tendo en contra que a ningún home se lle recrimina tal cousa cando levan o peito descuberto. Logo de presentar unha reclamación na propia piscina municipal, o responsable de deportes deste concello xa se puxo en contacto coa afectada lamentando o acontecido. Así se recolle na páxina de facebook da Asociación Feminista Paxaretas.

Os feitos producíanse o pasado 22 de agosto cando esta veciña pasaba a tarde na piscina municipal dos Tilos da localidade coruñesa. Unha vez na auga persoal das instalacións teríanse dirixido a ela para explicarlle que “non podía estar na zona de baño sen a parte de arriba, algo que sí podía facer na zona reservada as toallas”.  A explicación que lle deron foi que se debía a unha “cuestión de hixiene”. Ante esta argumentación e os feitos acontecidos decidiu presentar a correspondente reclamación.
O concelleiro de deportes da localidade, Jorge Carballido, púxose xa en contacto coa afectada a quen lle trasladou a súa “disconformidade co sucedido”, informándolle de que xa se teñen “cursadas as instrucións para que non suceda de novo unha situación similar”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *