Hoxe é Mércores 21 de Outubro de 2020

Soutomaior retira máis de 90 niños de avespa velutina en catro meses

RR_Noticias

O Concello tamén repartiu entre os veciños máis de 110 botellas de cebo líquido e 70 trampas domésticas. A retirada, comprendida dentro do plan municipal contra a avespa asiática, estenderase nos próximos meses e verase complementada por diversas iniciativas informativas e de entrega de trampas e cebos entre os veciños.

A retirada dos niños realizouse por diversos medios, dependendo da localización do niño e da dificultade para o seu acceso. Os máis comúns retiráronse con medios propios do Concello e grazas ao grupo de voluntarios que colabora co consistorio na campaña contra a velutina. Para retirar os que se atopan fóra do alcance das pértegas e medios cos que contan os operarios retiráronse a través dunha empresa especializada.
Ademais da retirada, desde a concellería de medio ambiente deuse aviso de dous niños situados en postes de empresas privadas e sobre as que recae a responsabilidade do mantemento.
Como apoio á retirada dos niños o consistorio estableceu dúas iniciativas de trampeo. A primeira consiste na repartición de máis de 70 trampas entre os veciños que o soliciten, 110 botellas de cebo líquido para encher as mesmas e 70 unidades de spray para os niños. A segunda ten como obxectivo garantir a seguridade dos veciños nas contornas públicas durante a época estival e comprende a instalación de 20 novas trampas en zonas especialmente sensibles como xardíns, parques infantís, zonas de praia e a contorna de edificios públicos.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *