Hoxe é Venres 23 de Outubro de 2020

Pequenos arqueólogos por un día

RR_Noticias

A Concellería de Medio Ambiente celebra o próximo martes, día 21, unha actividade dirixida ao público infantil na praia de Cesantes. Consiste nunha pequena escavación arqueolóxica de 2 horas de duración adaptada ás idades dos participantes.

Os dous arqueólogos encargados de impartir a actividade explicarán aos rapaces en que consiste unha escavación arqueolóxica, repartiranlle todo o material necesario e distribuirán o “espazo de traballo”. Logo realizarán a escavación e, finalmente, valorarán os “tesouros” atopados. A actividade é de balde, pero precisa de inscrición previa. Poden facelo nos teléfonos 986 400 300 ou 698 142 025, tamén no enderezo electrónico medioambiente@redondela.gal. Con esta actividade o departamento de Medio Ambiente pretende fomentar entre os máis novos o interese polo patrimonio histórico, educar na conservación do medio e do patrimonio, e estimular a curiosidade dos rapaces polo entorno. A actividade tamén fomenta a participación, o traballo en equipo e a igualdade de xénero.
Case 200 nenos participaron nos campamentos de praia
Onte remataron os campamentos de praia en Cesantes e Arealonga. Leváronse a cabo durante un mes, entre o 16 de xullo e o 16 de agosto con case 200 participantes. Actividades como xogos de auga, xinkanas, xogos populares e obradoiros de manualidades fixeron aos rapaces disfrutar da praia dun xeito distinto.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *