Hoxe é Xoves 29 de Outubro de 2020

Música acústica, rock, clásica e humor na fin de semana de Redondela e Chapela

RR_Noticias

Fin de semana cargada de actividades que comeza hoxe venres co concerto de El Sol Desnudo, na Praza da Casa da Torre, ás 22.00 horas. O sábado, no mesmo escenario sonará o rock con Retroblues e Jhonander, mentres na Igrexa de Santiago actúa o coro e orquestra do curso de verán Tamara Brooks. O domingo o humor chegará a Chapela con Alcómicos Anónimos na Alameda Rosalía de Castro ás 22.00 horas.

El Sol Desnudo combina a electrónica nas bases rítmicas co tratamento acústico nas guitarras e unha forte presenza das voces na maioría dos temas. Mañá será a noite do rock en directo con grupos de Redondela e bisbarra, e que comezará a partir das 22 horas na praza de Casa da Torre con Retroblues e Jhonander. Tamén o sábado, na Igrexa de Santiago de Redondela, actuará o Coro e Orquestra do curso de verán Tamara Brooks, con alumnos e profesores, polo que medio cento de músicos e cantores participarán no concerto. E xa o domingo a retranca será a protagonista na Alameda Rosalía de Castro de Chapela. Stephy Llaryora e Víctor Grande son Alcómicos Anónimos, os seus monólogos cargados de humor comezarán ás 22.00 horas, dentro da programación que organiza a Concellería de Cultura. Todas as actividades son con entrada de balde.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *