Hoxe é Venres 24 de Setembro de 2021
History
Stations
NOTHING FOUND!

Loito en Vilar e Fornelos pola morte dunha parella nun accidente provocado por un camioneiro

RR_Noticias

A moza, Lidia Figueroa, de 22 anos, será despedida hoxe polos seus achegados ás 16.30 horas no cemiterio de San Martín de Vilar de Infesta. O sinistro tivo lugar nun punto negro da N-I ao seu paso pola provincia de Burgos. O conductor do tráiler invadiu o carril contrario nun tramo de curva. O camioneiro que supostamente provocou a colisión múltiple deu positivo no test de alcoholemia.

A xoven parella, Jonattan Domínguez, de 26 anos, e Lidia Figueroa, de 22, viaxaba a París de vacacións. O tráxico accidente conmocionou a parroquia de Vilar de Infesta, en Redondela, mentres que Jonattan era natural do concello veciño de Fornelos de Montes, localidade tamén consternada pola perda. Ambos pertencen a unhas familias moi coñecidas e queridas, que non deixan de recibir numerosas mostras de condolencia e agarimo. O sinistro tivo lugar nun punto negro da N-I ao seu paso pola localidade burgalesa de Quintanapalla. O chofer do tráiler invadiu o carril contrario nun tramo de curva. A cabeza tractora e o semirremolque fixeron tesoira e envolveron ao Seat Ibiza no que viaxaban, e que circulaba no outro sentido. Caeron por un terraplén e o automóbil quedou baixo o camión. O camioneiro que supostamente provocou a colisión múltiple, no que outras catro persoas resultaron feridas, deu no test de alcoholemia, segundo fontes da Garda Civil. O condutor do tráiler podería enfrontarse a un delito grave de imprudencia con resultado de morte.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *