Hoxe é Martes 20 de Outubro de 2020

Festival de Bandas de Música, teatro en Meirande e concertos de rock e folk en Chapela

RR_Noticias

Fin de semana intensa en Redondela con diferentes actividades para todos os públicos. O sábado a Praza da Casa da Torre acollerá o XXIII Festival de Bandas de Música en Redondela, mentres o paseo de Cardona de Chapela acolle o Berete Rock. O domingo o museo Meirande organiza visitas guiadas teatralizadas, e a Alameda Rosalía de Castro de Chapela será o escenario do concerto de música folk e tradicional de Art&maña.

O festival de bandas contará nesta ocasión con tres agrupacións musicais , dúas delas convidadas de Concellos próximos e tamén a Banda de Musica de Chapela. Serán a Banda de Música de Candeán, en Vigo, e a Banda de música municipal de Caldas de Reis. O Festival comezará con pasarrúas das tres agrupacións, que sairán de diversos puntos de Redondela e concentraranse na Casa da Torre. Os pasarrúas comezarán as 21:00 horas e o concerto será ás 22.00 horas, con entrada de balde. Aproximadamente á mesma hora arranca en Chapela o VII Berete Rock cos grupos Mostrencos, Radio Zapa, You Dog, Stoned At Pompeii e Frying Luras. A cita arrancará ás 21.30 horas no paseo de Cardona, en Arealonga, e prolongarase ata a madrugada, con entrada de balde.
Teatro en Meirande e música folk o domingo
O museo Meirande ofrece novas visitas teatralizadas este domingo, día 5 de agosto. Faranse dous pases onde os asistentes terán a oportunidade de gozar de pequenas pezas teatralizadas, cos personaxes caracterizados da épocae que axudarán a entender mellor o contexto da batalla naval. Os pases serán ás 17.00 e ás 18.30 horas. A entrada é grautita. Xa á noitiña Chapela acolle o concerto programado no cartel de verán do Concello con música folk e tradicional. O grupo Art&maña, formado por músicos da bisbarra e de Redondela actuará na Alemada Rosaría de Castro ás 22.00 horas con temas dabondo coñecidos polo gran público. Entrada de balde.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *