Hoxe é Xoves 29 de Outubro de 2020

Redondela, a vila dos títeres

RR_Noticias

O bo tempo e a intensa programación encheu a vila de público e do mellor teatro de monicreques no festivo das letras galegas, pero foi tan só un anticipo do que se vivirá en Redondela durante toda a fin de semana, cun total de 36 espectáculos programados para as xornadas de rúa de sábado e domingo. Propostas ás que hai que engadir as actuacións de sala que hoxe venres contará con “El juego del tiempo” de David Zuazola. O sábado as cinco Periferia Teatro representará Vuela Pluma e Jordi Bertrán ofrecerá os seus “Poemes Musicais”.  A xornada do domingo arrancará con outra cita xa tradicional, a ruada titiriteira que nesta ocasión partirá dende o peirao de Cesantes.

A primeira xornada de rúa deste XIX Festival Internacional de Títeres encheu Redondela de milleiros de familias que se achegaron a desfrutar das máis de 18 actividades programadas no Día das Letras Galegas. Unha exitosa xornada que se volverá repetir este sábado e domingo con propostas chegadas dende diferentes puntos do planeta. Na programación de sala hoxe venres o Auditorio da Xunqueira acollerá ás 21:00h a representación “El juego del tiempo” do chileno David Zuazola. Unha proposta composta por 7 historiañs de 7 minutos cada unha, dirixida por 7 directores diferentes e que conforman un único espectáculo onde todo está relacionado. O público irá descubrindo pouco a pouco que todo é parte dunha significativa, dura e profunda historia. Mañá sábado ás cinco da tarde a quenda será para Periferia Teatro e pola noite Jordi Bertran ofrecerá os seus Poemes Musicais. O domingo as dúas actuación previstas son a de Boabad Teatro ás cinco coa obra Pum Pum! e xa pola noite títeres Etcétera pechará o Festival con “El alma del pueblo”. Ruada titiriteira Unha das citas que está a coller forza nos últimos anos é a ruada titiriteira que cada ano convida aos participantes a achegarse a un recuncho da vila. Nesta edición a proposta leva por nome “10.000 leguas de viaxe pola vila” e convida a grandes e pequenos a achegarse ao peirao de Cesantes o domingo ás doce disfrazados de chocos ou animais mariños. O protagonistas será un submarino.  

David Zuazola. El juego del tiempo
A súa proposta poderémola ver o venres
Poemes VIsuals
Fálanos da proposta de Jordi Bertrán para o sábado
Luis Crespo Director Festival
Unha fin de semana intensa

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *