Hoxe é Mércores 28 de Outubro de 2020

O fillo de Sesé pon voz ás outras vítimas da violencia machista

RR_Noticias

O discurso de Joshua Alonso, fillo de Mª José Mateo Sesé, a veciña de Chapela que hai algo máis dun ano fora asasinada pola súa ex parella, emocionou coas súas palabras no Senado ao denunciar que tanto el como o seu irmán de 10 anos se senten abandonados polas institucións. O mozo, de tan só 26 anos, relatou a difícil situación na que se atopou logo de que a súa nai fora asasinada e denunciou  a falta de apoios “ninguén se ocupa de arranxar os problemas”.

A violencia machista deixou na última década a 25 menores orfos en Galicia. Un deles é o fillo de Sesé que tiña tan só dez anos de idade cando a súa nai foi asasinada logo de que a súa exparella fixera estourar a súa casa con dúas bombonas de butano. A partir dese fatídico día o seu irmán de 25 anos, Joshua Alonso, fíxose cargo del así como de todos os asuntos aos que tivo que enfrontarse no día a día “un seguro da vivenda que estaba a nome do asasino e que non se fai cargo do arranxo porque foi un suicidio, o imposto de sucesións, a declaración de herdeiros xa que non había testamento, a cancelación de débedas…” Lamentou que ante esta situación non teña recibido o apoio das institucións porque , segundo dixo, “síntome abandonado. O meu irmán de dez anos está abandonado”.  

Joshua Alonso fillo de Sesé
Fala da desprotección dos orfos da violencia de xénero

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *