Hoxe é Sábado 31 de Outubro de 2020

Os redondeláns poderán solicitar a PassVigo dende este xoves

RR_Noticias

O xulgado do Contencioso Administrativo de Vigo vén de adoptar como medida cautelar a suspensión da esixencia de empadroamento no Concello de Vigo para a solicitiude e obtención da tarxeta. Unha medida que o concello vigués deberá facer efectiva este xoves o que permitirá que os redondeláns poidan beneficiarse dos descontos nas viaxes do Vitrasa. O alcalde de Redondela anunciou que este venres se reunirá cos veciños de Chapela e Trasmañó para informalos sobre estas medidas cautelares

Unhas medidas cautelares que eran recibidas con satisfacción polo alcalde de Redondela, Javier Bas, e o goberno local que comparecía ante os medios de comunicación para dar conta das medidas adoptadas polo xulgado do Contencioso Administrativo número 1 de Vigo en relación ao recurso presentado polo concello pola posta en marcha da tarxeta PassVigo. Bas recoñecía que este é un dos momentos “máis sentidos dos que leva vivido como alcalde porque moitos veciños se ían ver prexudicados por esta medida inxusta”. Aseguraba que dende o goberno tentaron todas as vías de negociación para chegar a un acordo con Vigo e reiteraba que esa solución podería ter chegado a través do transporte metropolitano. O rexedor local arremetía contra Abel Caballero, a quen culpaba da situación vivida e dixo entender aos veciños que no pleno deste martes amosaron as súas protestas polo trato discriminatorio. Unhas reivindicacións que considera lexítimas pero criticou a postura do PSOE, BNG e Podemos Redondela, que cualificou de “decepcionante” por non apoiar ao concello no contencioso presentado e por “aliñarse”, dixo, con Abel Caballero. Bas agradeceu aos veciños que apoiaron ao goberno neste proceso a súa paciencia e este venres esperan poder reunirse cos veciños de Chapela e Trasmañó para informar sobre o auto do xuíz no que se recolle “a suspensión da esixencia de empadroamento no concello de Vigo para a solicitude e obtención da Tarxeta PassVigo”. Unha decisión que o maxistrado xustifica polo feito de que a esixencia do empadroamento non se recolle no convenio asinado entre o Concello, Abanca e Vitrasa, tampouco nas instrucións aprobadas nin no modelo de solicitude. Engade que mentres se espera ao ditame dunha sentenza firme, a esixencia do empadroamento xeraría continuadamente prexuízos a un número indeterminado de persoas, porén a decisión de tomar esta medida cautelar.

Javier Bas alcalde Redondela
O rexedor informa sobre a medida do xuíz que suspende a esixencia do empadroamento para obter a PassVigo
Reivindicación lexítima
Cualifica de lexítima a reivindicación dos veciños pero arremete contra a oposición que culpa de "servilismo" con Abel Caballero.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *