Hoxe é Mércores 25 de Novembro de 2020

40 anos de tradición en Chapela

RR_Noticias

O Grupo Folclórico Anaquiños presenta este sábado ás 19:00 horas no Multiúsos do Piñeiral o seu primeiro disco gravado co gallo do seu 40 aniversario. Un CD que leva por título “1976-2016, 40 anos de tradición”, cheo de pezas populares que forman parte do repertorio de practicamente todos os grupos que actúan en calquera festa ou serán da provincia. O concerto contará coa presenza dos Carunchos e unha parte do que se recade coa venta do disco, que se poderá adquirir por tan só 5€, terá un fin solidario entregándose ao refuxio de animais Noé.

Componse de 14 pezas de composición tradicional e de transmisión oral, ao xeito dos vellos gaiteiros e cantareiras e no que participaron os grupos de gaitas e pandereteiras baixo a direción do mestre Luis Correa (Caruncho), seguindo a filosofía do grupo dende os seus inicios de manter e transmitir a música, cantos e bailes tradicionais da nosa terra de xeneración en xeneración. “Un disco cargado de pezas de gaita e outras cantadas polas pandereteiras da agrupación que son moi recoñecidas porque forman parte do repertorio de calquera festa ou serán” explica a presidenta de Anaquiños Estrella Iglesias. Un traballo que realizaron para celebrar os 40 anos de historia e traxectoria folclórica do grupo, iniciada no ano 1976 por un grupo de pais e nais do colexio público Igrexa de Chapela. Unha formación que se mantén viva e entre cuxos membros atopamos dende cativos de tan só 3 anos, que se achegan ao folclore a través das actividades extraescolares, ata os maiores “algunha muller que supera os 75 anos” e que continúa no grupo de veteranas. Para a gravación deste CD contaron coa subvención da deputación de Pontevedra e o apoio do grupo Os Carunchos, que estará tamén no acto do sábado. A entrada a este acto é de balde ata cubrir as localidades do Multiusos.  

Estrella Iglesias Anaquiños
Un disco popular
Espectáculo cos Carunchos
Serán os encargados de acompañalos no seu concerto presentación
Fin solidario
Unha parte do recadado coa venda será entregado ao Refuxio Noé

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *