O grupo de Redondela impúxose ao seu rival, os vigueses The Mob Swing no concerto concurso celebrado na noite do sábado no recinto da antiga feira do gando. O mal tempo non desanimou a unhas 300 persoas que se achegaron ata o lugar do concerto e participaron co seu voto deste concurso de maquetas.
Ademais do premio en metálico, 300 euros, Chaleco Reflectante gaña así o dereito a participar do festival Alternativo Millo Verde que se celebrará os días 7, 8 e 9 de xuño.
Un repertorio cargado de rock, punk e blues que se fixo con este XI concurso de maquetas ao acadar a maior parte dos votos emitidos polo público.
