Hoxe é Martes 20 de Outubro de 2020

O C.D. Choco agarda máis de 60 equipos no torneo solidario de Semana Santa

RR_Noticias

A cita será en Santa Mariña os días 29 e 30 de marzo e está dirixido ás categorías inferiores, desde prebenxamíns ata infantís. Nesta ocasión o club realizará dúas actividades solidarias ao longo do torneo: recollerán alimentos para Cáritas e recadarán fondos para a Asociación Española contra o Cáncer.

Marcos Montes, o director deportivo do club, explica que o obxectivo do torneo é “fomentar o deporte base e os valores da convivencia e a solidariedade”. O evento terá como lema “Un neno, un quilo”, xa que cada xogador que participe no Torneo de Semana Santa debe entregar, como mínimo, un quilo de alimentos non perecedoiros. Todo o recollido será para o grupo redondelán de Cáritas, que os destinará ás persoas con necesidade. Ademais o club habilitará varios petos en Santa Mariña cos que para realizar unha colleita de fondos colectiva entre participantes e, sobre todo, os familiares que acudan ó campo de fútbol. A recadación será para a Asociación Española contra el Cáncer, que leva moitos anos realizando actividades na loita contra esta enfermidade que afecta a milleiros de persoas. O torneo de Semana Santa celebrárase o día 29 (xoves santo) nas categorías prebenxamín e benxamín, e o día 30 (venres santo) para alevíns e infantís. A modalidade será a de fútbol 8, agás para a categoria infantil, que se inclúe por primeira vez no torneo, e que será de fútbol 11. O club organizará as dúas xornadas do torneo con 16 equipos en cada categoría, o que suma un total de 62 equipos. O Choco participará cun total de 7 equipos. Os interesados en anotarse poden dirixirse ó correo electrónico c.d.choco@hotmail.com ou poñerse en contacto con Marcos Montes, director deportivo do Choco.

Marcos Montes director deportivo do C.D. Choco
O torneo pretende fomentar o deporte base e os valores da convivencia e a solidariedade.
Categoría Infantil
Este ano incorpórase por primeira vez a categoría infantil na competición en modalidade de fútbol 11.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *