Hoxe é Sábado 31 de Outubro de 2020

Descubrimento dunha placa na Alameda Rosalía de Castro de Chapela para celebrar o Día de Rosalía

RR_Noticias

O vindeiro 24 de febreiros cúmprense 181 anos do nacemento de Rosalía de Castro, motivo polo que se elixiu dende o Concello de Redondela esa data para celebrar un acto institucional no que se descubrirá unha placa de dará nome á Alameda de Chapela, lugar que pasará a denominarse Alameda Rosalía de Castro. Será o vindeiro sábado ás 18:00 horas

Un acto institucional no que estarán presentes membros da Fundación Rosalía de Castro e representantes da corporación municipal. A música correrá a cargo da artista Najla Shami e haberá recitais protagonizados por veciñas de Redondela.
Con este acto oficialízase o acordo adoptado en pleno por unanimidade e que daba o seu apoio a unha proposta do Servizo de Normalización Lingüística no que se salientaba o oportuno de que unha figura tan representativa para Galicia tivese o seu oco na toponimia local. A nova denominación súmase tamén ao intento de dar a coñecer o nome da Alameda de Redondela que, malia o descoñecemento xeral, chámase Alameda Alfonso Daniel Rodríguez Castelao dende hai décadas.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *