Hoxe é Sábado 24 de Outubro de 2020

A Comisión Xunta-Fomento analizará mañá a supresión da peaxe da AP-9 en Redondela

RR_Noticias

A Xunta de Galicia dará traslado este martes 23 ao Ministerio de Fomento, na reunión que se celebrará da Comisión mixta para a xestión da Autoestrada do Atlántico (AP-9), dunha “alternativa viable” para a supresión da peaxe entre Redondela e Vigo. Así o explicaba este sábado a conselleira de Infraestruturas e Vivenda, Ethel Vázquez, quen avanzou que será este martes cando se celebre a que será a terceira reunión da Comisión Mixta e na que a Xunta de Galicia tentará concretar co Ministerio de Fomento novos compromisos para aliviar a carga económica da AP-9 aos seus usuarios.

A titular de Infraestruturas lembrou que desde a Xunta de Galicia leva “traballando moitísimo tempo para conseguir esa liberación de peaxe aos veciños e as empresas da área de Vigo para os seus desprazamentos entre Redondela e Vigo”, de modo que na reunión da comisión prevista para o martes a “Xunta levará unha alternativa viable” para que “os usuarios da AP9 en Redondela poidan transcorrer e facer os seus movementos libres de peaxe”. Avanzou a Conselleira que confía en que exista “sensibilidade” sobre esta cuestión por parte do Ministerio de Fomento, puntualizando que o propio ministro, Íñigo da Serna, xa trasladara ao presidente da Xunta de Galicia a intención de “entre todos buscar unha alternativa viable para eliminar esa peaxe e que a área de Vigo sexa tan competitiva como o resto”.  

Ethel Vázquez Conselleira Infraestruturas
Unha alternativa viable sen concretar

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *