Hoxe é Mércores 2 de Decembro de 2020

Un Choco en inferioridade perde en Somozas

RR_Noticias

O Choco deixou escapar tres puntos logo de poñerse por diante no marcador. A expulsión de Comis deixou aos redondeláns en inferioridade e serviulles aos anfitrións para darlle a volta ao marcador. Na Segunda Autonómica o filial no pasou do empata co San Miguel e o Arcade gañou en Noalla. Na Terceira rexional o Chapela impúxose no derbi ante o Atl. Vilar e o Cesantes gañou ante o Soutomaior. No derbi local de fútbol sala o Redondela gañou por 5-2 ao Arealonga.

Terceira División
Somozas 2-1 Choco
Os redondeláns foron mellores no primeiro tempo, fixéronse co balón e dominaron o xogo. Así, comezaron a chegar as primeiras ocasións de perigo, e anoton mediado o período co tanto logrado por Antón Vilas. A segunda parte comezou co mesmo xogo, cos de Montes cómodos administrando a vantaxe. Con todo, a pouco menos de media hora para o final, Comis viu a segunda amarela e deixou ao conxunto redondelán cun xogador menos. Marcos Montes tivo que facer cambios para frear os ataques do Somozas, que adiantaron posicións para buscar o empate. A oito minutos para a conclusión, Duque logra a igualada. O Choco comezou a ter problemas para defenderse e dous minutos despois encaixaron o segundo. Unha derrota que impide que o equipo adestrado por Marcos Montes continue coa escalada na clasificación, aínda que é 9º e mantén as opcións de pelexar por chegar a postos de play off de ascenso na recta final do campionato. O vindeiro domingo reciben ao un Barco que se mantén firme en postos de promoción.
Segunda Autonómica

Choco B 2-2 San Miguel
O San Miguel conseguiu un épico punto en Redondela. Os visitantes terminaron con nove e igualaron grazas aos goles de Puime e Costa. O filial é agora 5º, na próxima xornada visita o campo do Louro, un posto por baixo dos redondeláns.
Noalla-Arcade 1-3
Dous tantos de Adrián e un de Pablo deron o tres puntos ao Arcade, que volve engancharse á loita polo ascenso directo. Os de Soutomaior están na 3ª praza, e na próxima xornada terá un partido trascendental, xa que reciben ao At. Cuntis, 2º na táboa, un punto por diante do Arcade.
Terceira Autonómica

Chapela 5-3 Atl. Vilar
O derbi local foi para o Chapela, que segue resitíndoselle aos de Mon Sanromán. A vitoria deixa ao Chapela na 4ª praza, pero empatado xa a puntos 2º e 3º clasificados, Lavadores e Balaídos, respectivamente. Mentres o Vilar cae á 6ª praza, malia que a tan só 1 punto de distancia. Na próxima xornada o Chapela xoga no Monte da Mina ante o Pereiró, cos de Castrelos tan só un punto por baixo. O Vilar recibe ao Moledo, equipo máis frouxo, na metade baixa da táboa.
Soutomaior 2 -3 Cesantes
Os de Cesantes mantéñense no 4º posto, e o Soutomaior é 6º
Fútbol Sala Terceira División
Pazos 7-4 5 Coruña
O Pazos aproveitou a xornada de descanso para disputar o partido ante o 5 Coruña, que tivera que suspenderse en decembro pola condensación do pavillón, que facía impracticable o xogo. O encontro, disputado o sábado, rematou con vitoria dos de Fran Amoedo por 7-4. O resultado deixa ao Pazos na 4ª praza, a tan só 1 punto do 2º e 3º, o Talleres ABC e Estrada Futsal, respectivamente. Na próxima xornada o Campito recibe ao Santiago B e o Pazos ao Ribeira
Autonómica Sur

Redondela 5-2 Arealonga
O triunfo do Redondela no derbi supón un pasiño máis para os de Javier Merino, malia que seguen en postos de descenso, e afunde aínda máis ao Arelaonga como pechacancelas. E os de Chapela non van ter fácil mellorar esa situación na próxima xornada, xa que reciben ao Mosteiro Bembrive, 3º na táboa, a 1 punto do ascenso. O próximo partido do Redondela será ante un rival máis asequible, xogan na pista do Beade, da metade baixa da táboa.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *