Hoxe é Domingo 29 de Novembro de 2020

A plataforma en defensa do Verdugo solicita reunirse con Augas de Galicia e Abel Caballero

RR_Noticias

Pladever (Plataforma en defensa do río Verdugo) quere trasladarlles aos responsables de Augas de Galicia, ao alcalde de Vigo e ao resto de alcaldes de municipios que se abastecen de Eiras os resultados dun estudio, realizado por un grupo multidisciplinar de expertos, no que se constata “o ineficaz que resultaría o transvasamento do río Verdugo” e se avoga por un uso responsable da auga.

A intención de PLADEVER é segundo manifestou o seu voceiro, Fernando Malvar, “é que poidan escoitar directamente as propostas que desde a sociedade civil podemos achegar para atopar entre todos unha solución satisfactoria aos problemas derivados da seca e que poidan evitar calquera tipo de solución apresurada e que quizais non sexa a máis axeitada”.
Fernando Malvar, que insistiu na necesidade de analizar en profundidade o problema do uso responsable da auga, sinalou que “está acreditado xa suficientemente que xa non é urxente dotar de medidas excepcionais para abastecer a Vigo e aos concellos da contorna e que urxe poñer en marcha políticas de concienciación social e dos representantes públicos para un uso responsable dos recursos hídricos, serios e harmónicos co medio ambiente”.
O voceiro de PLADEVER defendeu a vixencia deste estudio como “unha ferramenta válida a ter en conta á hora de tomar decisión polas importantes achegas que fai desde distintos aspectos: técnicos sociais, económicos e medioambientais acerca das vantaxes que supón unha boa xestión dos recursos hídricos que seguro pode ser un exemplo a estender ao conxunto de Galicia e Estado Español polo seu carácter pioneiro e harmónico co medio ambiente”, indicou Fernando Malvar que agarda poder xuntarse en breve con todos e cada un dos axentes implicados neste problema.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *