Hoxe é Domingo 29 de Novembro de 2020

AER demanda a convocatoria urxente da comisión de seguimento da AP-9

RR_Noticias

A Agrupación de Electores de Redondela solicitou que a comisión se reúna esta semana, con carácter de urxencia, para tratar a apertura do terceiro carril á altura do colexio Igrexa de Chapela. O grupo municipal de AER entende que a xuntanza debe celebrarse antes de que se retomen as clases no centro, o próximo luns día 8.

AER xa solicitou por rexistro que o alcalde, Javier Bas, que preside a Comisión de Seguimento das obras da AP-9 no Concello de Redondela, convoque esta comisión “asistan ou non os representantes de Fomento e Audasa”. A Agrupación de Electores tamén solicita que para ese mesmo día o presidente da comisión organice unha visita ás instalacións educativas por parte dos membros da comisión xunto con técnicos que poidan explicar “a situación de seguridade, ruído e vibracións nas aulas, así como o plan de evacuación no caso do impacto dun vehículo pesado no muro da autoestrada”. AER denuncia que o Ministerio de Fomento “non atendeu á demanda feita por todos os grupos e colectivos de Redondela en relación á apertura do terceiro carril da AP-9 á altura do CEIP Igrexa”. Esa demanda foi feita de xeito unánime na comisión de seguimento celebrada o 17 de febreiro de 2017, e solicitaba “manter pechado ese tramo ata que o traslado ao novo centro fose efectivo”. Advirten da “preocupación e indignación dos veciños”, ao tratarse do único colexio de toda España “dentro dunha autoestrada”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *