Hoxe é Sábado 28 de Novembro de 2020

Aqualia non poderá incrementar os prezos na piscina de Chapela ao votar en contra a oposición

RR_Noticias

A empresa Aqualia renovaba nas últimas semanas a concesión do Centro de Deportes Acuáticos de Chapela logo de ser a única empresa presentada ao concurso de adxudicación.No prego de condicións que regulou este proceso de contratación establécese que a empresa pode incrementar ata un 5% o prezo que cobra aos usuarios polo uso das instalacións. Con todo, a empresa non poderá aplicar este incremento logo de que os grupos da oposición votaran en contra.

O debate en torno a esta modificación nas taxas da piscina de Chapela converteuse nun enfrontamento entre oposición e goberno sobre as responsabilidades sobre o mal estado que presentan as instalacións. Así, dende o PP aseguraron que o incremento de prezo, recollido no prego de condicións, “é consecuencia da irresponsabilidade da oposición que non permitiu prorrogar o servizo, obrigando a sacalo a concurso”. Engadía a edil popular Carmen Amoedo que o estado que presenta a piscina “debido aos problemas que arrastra dende a súa construción fan que non sexa interesante para as empresas concesionarias e obrigou a incluír melloras económicas como un aumento en 10.000 euros da achega do concello e o incremento dos prezos aos usuarios”. Dende a oposición todos os grupos rexeitaron os argumentos do goberno. Lembraron que en ningún momento se traballou pola remunicipalización do servizo, “apostando novamente o PP por manter a súa privatización” e criticaron un prego de condicións cuxas bases son responsabilidade única do goberno. Aseguran tamén que o lamentable estado que presentas estas instalacións responden á falta de mantemento por parte da empresa concesionaria (luces fundidas, eliminación de luces de emerxencia, material do ximnasio que non funciona…) e instaron ao PP a “cumprir coa súa obriga e facer un seguimento da xestión que se fai da piscina”. Malia non aprobarse onte o incremento das taxas, no prego establécese que Aqualia terá un período de seis meses para aplicar esta suba, polo que a revisión de prezos podería volver ao pleno a curto prazo.  

Carmen Amoedo PP
Acusa a oposición de ser so causantes do posible incremento dos prezos
Mauro Alvarez PSOE
Afirma que os desperfectos da psicina débensa a flata de mantemento por parte da empresa
Roberto Darriba AER
Replica ao goberno que dende a oposición apostaban pola remunicipalización do servizo
Xoán Carlos González BNG
O prego de condicións é exclusivamente responsabilidade do PP
Enrique Fojo edil non adscrito
Unha suba legal pero inmoral

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *