Hoxe é Martes 20 de Outubro de 2020

Servizos Sociais trasladará as súas oficinas a un local nos baixos de Regojo

RR_Noticias

O alcalde ven de asinar co representantes da empresa Aliseda, a cesión gratuíta ao Concello dun local na Urbanización da Antiga Fábrica de Regojo que acollerá as novas oficinas de Servizos Sociais e Igualdade. As oficinas ubicaranse nun espazo de 353 metros cadrados valoradas en 254.000 euros o que suporá unha mellora respecto das oficinas que ocupan actualmente no edificio de Isidoro Queimaliños.

Os trámites para a adquisición deste local remóntanse a 2005, cando se asinara un acordo de cesión entre a empresa construtora e o Concello na parcela 2 desta urbanización. Sen embargo, ante a falta de data para a construción deste inmoble, o goberno local decidiu inicar as negociacións coa empresa Aliseda, actual propietaria das edificación, para permutar o local acordado no 2.005 por outro nun inmoble xa rematado. Este local dispón de 353 metros cadrados e no mesmo ubicaranse as novas oficinas de Servizos Sociais e o Centro de Información ás Mulleres (CIM). O proxecto de obra xa foi deseñado polo arquitecto municipal e cumpre as necesidades manifestadas polo propio servizo. Para a tenente de alcalde e concelleira de Servizos Sociais, María del Carmen Amoedo,”o resultado da negociación foi moi bo para Redondela, xa que conta cun novo inmoble que ten un valor de 294.000€”.  

Carmen Amoedo Servizos Sociais
A concelleira anuncia a sinatura do convenio

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *