Hoxe é Domingo 29 de Novembro de 2020

Os socialistas reclaman rebaixas do 50% na taxa para o uso das pistas de padel

RR_Noticias

O PSdeG-Redondela ven de presentar alegacións á ordenanza que taxa a utilización de instalacións deportivas e que foi aprobada en pleno co voto a favor de PP e AER. Unhas taxas que oscilan entre os 8 e os 10 euros, cantidade que ao entender dos socialistas son excesivas ao situar “ao concello de Redondela como o máis caro da contorna para practicar deporte”. A súa proposta pasa por rebaixar o prezo a 3€ sen luz, 5€ con luz.

A proposta aprobada no pleno do pasado mes de setembro cos votos en contra de PSOE, BNG o concelleiro non adscrito, establece que os usuarios das pistas de padel deberán pagar unhas taxas de 8 euros (10 euros con luz) polo uso destas instalacións.
O Grupo Socialista decidiu presentar alegacións no período que abre a aprobación provisional. Entre as propostas socialistas atópase a diferenciación de taxa para os empadroados dos non empadroados e unha rebaixa nas taxas ás instalacións deportivas para favorecer a práctica de deporte e acceso a este. En concreto os socialistas propoñen que a taxa para estas pistas de padel pase a ser a 3€ sen luz e 5€ con luz, “unha redución substancial que equipararía o prezo ao que cobran outros concellos como o veciño de Soutomaior onte estas cantidades chegan para cubrir o mantemento e cambio do céspede anual das pistas”.
Neste sentido aseguran dende o PSOE que “coas taxas que establecía o PP en Redondela era máis caro xogar ao pádel por conta propia que pagar clases con monitor en Soutomaior. Ademais, presentan una exención para as entidades deportivas de persoas con diversidade funcional e o abono do 50% para os menores de idade”.
Dende o PSdeG-Redondela critican o cambio de nomenclatura xa que o PP pasou a denominar a Piscina Municipal de Redondela como Anexo I Centro Deportivo de Redondela, abrindo unha porta á privatización desta instalacións e outras moi próximas. No referente a isto último, os socialistas reclaman o nome da piscina que leva posto dende hai anos mediante unha placa na entrada da piscina, pasando a ser como xa consta de José Bernardo Núñez Estévez “Colón”, unha persoa nada en Redondela que destacou no deporte da natación.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *