Hoxe é Sábado 28 de Novembro de 2020

O Pazos F.S. busca revalidar o título de liga

RR_Noticias

Actualmente ocupan a sexta praza da táboa, pero en Pazos de Borbén aspiran ao máis alto. O presidente, Manuel Ferreira, asegura que son o club “máis rico en ilusión”, e non temen aos rivais de grandes munipios que os superan en orzamento. Esta fin de semana reciben ao Rececende, situado na metade da táboa.

Revalidar o título de campión da Terceira División Nacional non será doado, pero Ferreira asegura que “darán a batalla”, con Fran Amoedo como adestrador. A pasada xornada empataron na pista do Talleres ABC IES Coruxo, conseguiron remontar un marcador adverso de 3-0 no descanso, o que demostra que este equipo “nunca se dá por rendido”. É consciente de que o campionato está agora difícil, co Sala Ourense como líder a 6 puntos de distancia. Os da cidade das Burgas, xunto co Estradense, o Culleredo e o Talleres ABC, son para Ferreira os candidatos con máis opcións de levarse a liga. Por iso non poden despistarse. Esta temporada ten ademais o aliciente de contar cun derbi comarcal, co ascenso do Campito de Chapela á Terceira División. Para Ferreira é un síntoma do bo estado de forma do fútbol sala na bisbarra, e salienta “a boa relación” que une aos dous clubs. Precisamete do Campito procede o seu actual adestrador, e tamén é habitual que exista trasvase de xogdores entre os dous equipos. Pazos – RececendeA próxima cita do Pazos F.S. será o sábado, cando reciben ao Rececende, 9º clasificado. Malia a superioridade na clasificación, que coloca ao Pazos F.S. como claro favorito, o presidente non se fía, advirte que neste deporte “calquera erro che pode costar moi caro”. Confía nos seus xogadores, e tamén no apoio da afección para facerse cos puntos en xogo.

Manuel Ferreira presidente Pazos F.S.
O obxectivo do club é volver gañar o título de liga.
Derbi comarcal
Ferreira destaca a boa relación co Campito que este ano conseguiu o ascenso á Terceira División.
Pazos F.S.-Rececende
Ferreira non se fía da mala situación do rival na táboa clasificatoria.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *