Hoxe é Sábado 31 de Outubro de 2020

A Asociación contra o Cancro recibe 3.000 euros a través dun convenio co Concello

RR_Noticias

O Concello de Redondela ven de asinar o Convenio de Colaboración coa Asociación Española contra o cancro polo que se lle conceden 3.000 euros para a labor que esta asociación desempeña no municipio. Esta Asociación ten coma fin a loita contra o cancro en todas as modalidades coñecidas que inclúen o desenvolvemento de funcións e actividades de divulgación, prevención, de investigación, de formación e de carácter sanitario ou asistencial.

No municipio de Redondela realizan unha labor de apoio bio-psico-social e prevención a enfermos con cancro e as súas familias con actividades tan importantes coma asistencia técnica e profesional ás familias de enfermos oncolóxicos, proporcionar ás persoas enfermas e as súas familias o adecuado apoio emocional e social e potenciar a creación de grupos de voluntarios que sensibilizados pola loita contra o cancro, participen activamente nos procesos de intervención social que elabora a asociación.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *