Hoxe é Martes 27 de Outubro de 2020

Alternativa Veciñal denuncia que traballadores do concello limpan o eido do alcalde

RR_Noticias

Varios veciños foron testemuña de como dous traballadores contratados temporalmente polo concello de Pazos de Borbén limparon o eido privado do alcalde Andrés Iglesias. A Agrupación de Electores Alternativa Veciñal (AV) vai solicitar ao Pleno da corporación a reprobación do alcalde por estes feitos.

Para Alternativa Veciñal “é indecente e carente de toda ética que o alcalde se aproveite de dous traballadores temporais do concello para realizar traballos de limpeza no eido do seu domicilio” e condenan o uso de recursos públicos, pagados con diñeiro de todos os veciños e veciñas, en beneficio propio.
Parécelles especialmente grave aproveitarse das persoas que precisan traballar, que ocupan un posto de traballo precario e que dificilmente van poder dicir que non.
Conclúen afirmando que “todos os cargos públicos deben velar escrupulosamente polo interese xeral, e a primeira autoridade do concello debía ser quen máis exemplo dera no uso dos recursos municipais en favor da comunidade. Polo contrario, non é a primeira vez que Andrés Iglesias se aproveita do seu cargo. Xa con anterioridade o alcalde tivo que admitir en Pleno que el e o seu entorno estaban facendo uso dun bono para tribuna do Celta de Vigo pagado con diñeiro público”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *