Os de Marcos Montes regresaron de valeiro de terras ourensás, malia dominar boa parte do encontro. O Choco gozou de varias ocasións para empatar un partido no que o Barco se adiantou moi cedo, pero faltoulles acerto ante a portería local.
Terceira División
Barco 1-0 Choco
Os dous equipos chegaban ao encontro buscando a súa primeira vitoria da liga, e os anfitrións fixéronse cos tres puntos, malia que o Choco os fuxo sufrir ata os últimos minutos. Adiantouse cedo o Barco, cun gol no minuto tres de partido, obra de Mitogo cun remate de cabeza. Os de Marcos Montes buscaron o empate e defenderon con seriedade, pero faltoulles a recompensa do gol. Xa na segunda metade, os redondeláns dominaron o xogo e presionaron a portería de Óscar. Tiveron numerosas ocasións para facer a igualada, mesmo cun remate ao pau, pero sen premio. A presión do Choco era constante, e obrigou a facer cambios os locais. Os de Montes seguiron presionando e fóronse arriba nos minutos finais, poñedo en situacións de perigo a portería local con varias ocasións de gol que salvou un acertado Óscar. O Choco, que mereceu o empate, marcho de valeiro. O próximo domingo buscarán a primeira vitoria da liga en Santa Mariña, ante o Céltiga.
