Hoxe é Luns 30 de Novembro de 2020

Sonia Lebedynski pecha o ciclo da Rede de Músicas Soltas cun concerto no Multiúsos

RR_Noticias

A artista que fecha as Músicas Soltas 2017 é Sonia Lebedynski, quen chega a Redondela para presentar o seu disco “Deserto de Centos”. Un concerto que terá lugar o sábado 8 ás 21:00 horas no Multiúsos da Xunqueira. As entradas están xa a venda a un prezo de 7 €/ 5€ entrada reducida.

Sonia Lebedynski ten unha longa traxectoria no mundo da música dende os seus inicios con tan só trece anos como voz solista de Vaite-embora!. Desde entón ten colaborado con múltiples formacións e artistas, ademais de ter sido a voz de Fía na Roca durante máis de dez anos. Mais non foi até o 2016, logo de décadas sobre os escenarios, cando bota a andar a súa carreira en solitario, co disco “Deserto de centos”, que virá presentar a Redondela o 8 de abril. Estamos diante dun disco de autora que é resultado de todas as músicas das que foi bebendo ao longo súa traxectoria musical e vital: trad, folc, funk, pop, música brasileira. Unha aposta atrevida e moi persoal, que estará acompañada en directo por Sérgio Tannus (dirección musical e cordas), Carlos Freire (percusións), Roberto Comesaña (piano e acordeón), Martiño Domínguez (saxo tenor e barítono) e Jose Luis Miranda (trombón). Ademais de Sérgio Tannus na dirección musical, en “Deserto de centos” colaboraron na parte creativa moitos nomes destacados da música galega, como Xosé Lois Romero, Guadi Galego e Óscar Losada, en letras, músicas e arranxos.  

Olga Nogueira Central Folque
Fala do concerto de Sonia Lebedynski

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *