Hoxe é Xoves 23 de Setembro de 2021
History
Stations
NOTHING FOUND!

Chapela sairá á rúa o venres 17 para reclamar a construción do novo colexio e outras melloras

RR_Noticias

A ANPA do Colexio Igrexa, a Asociación de Veciños e a Asociación de Afectados pola ampliación da AP-9 convocan a toda a veciñanza a participar na manifestación que se celebrará o vindeiro día 17 de febreiro as 19:00 horas desde a rotonda de entrada á autoestrada ata o entorno do Colexio Igrexa. A asociación convoca hoxe unha asemblea informativa no Multiúsos do Piñeiral tamén ás sete da tarde para solicitar o apoio da parroquia.

Explican os convocantes da mobilización que xa “estamos fartos de esperar” e de escoitar promesas que “sempre se demoran, aprazan e nunca se cumpren”. Ante esta situación volverán sair a rúa o venres 17 para reclamar, entre outras cuestións, a construción do novo colexio Igrexa, “con continuos atrasos que poñen en risco esta infraestrutura para o próximo curso, e iso a pesar de ter, dende hai máis dun ano o terreo da Finca da Ginaria, o proxecto e o diñeiro para facelo”.
A contrución do novo centro educativo é unha das reclamacións máis urxentes ante a próxima apertura do terceiro carril da autoestrada que discorre pegado ao centro educativo. Con todo, as reivindicación van máis aló e pasan tamén por reclamar a colocación de pantallas acústicas, a gratuidade do tramo de AP9 entre Chapela e Rande, a apertura dunha saída da autoestrada nas Torres de Padín e a comunicación dos diferentes barrios a través dun vial entre A Pousadoura e as Catro Pontes, con novos viais entre a zona de servizos (Instituto, Centro de Saúde, Igrexa, Multiúsos, etc) e a Alameda e un novo vial entre a Avda. de Redondela e o Campo de Fútbol, con enlaces para Cidadelle, Parada e Trasmañó.
Os convocantes contan ademais co apoio do claustro do Colexio Igrexa, Colectivos Deportivos e Culturais, Comunidade de Montes e todos os Grupos Políticos presentes no Concello de Redondela.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *