Hoxe é Martes 24 de Novembro de 2020

Fran Teixeira: “Queda moita liga para acadar o obxectivo da promoción de ascenso”

RR_Noticias

Despois da derrota na pasada xornada ante o líder, o Xiria, o Rodosa Chapela cae á cuarta posición da táboa, algo máis afastado das dúas prazas que permiten xogar a fase de ascenso. Pero aínda quedan 24 puntos en xogo, e o técnico advirte que poden conseguilo “se non cometen erros”.

A ausencia dalgúns xogadores importantes foi clave na derrota do Rodosa Chapela no pavillón do Calvo Xiria. Logo de comezar gañando no marcador con vantaxes de ata tres goles, na segunda metade só aguantaron os primeiros 10 minutos. Logo os líderes do grupo puxéronse por diante e foron ampliando a renda ata o 33-27 final. A derrota complica as aspiracións dos de Teixeira de cara a clasificarse para a fase de ascenso, pero no club insisten en que aínda hai marxe. As dúas primeiras prazas permiten participar no sector, e malia que o liderado está lonxe, a seis puntos, son tan só tres os que os separan da segunda praza, que agora ostenta o Porriño. Iso si, o técnico advirte que o equipo redondelán “non pode cometer máis erros” se queren ter opcións de clasificarse. Logo de xogar a un bo nivel ante o líder, na próxima xornada reciben en Chapela ao Lavadores, actual pechacancelas do grupo. A situación na táboa dos vigueses, lonxe de ser unha vantaxe para Teixeira, é “unha dificultade engadida”, xa que o Lavadores vén de reforzarse para evitar o descenso. Daniel e Fabián González, que militaron tamén no Chapela en División de Honra B, son dúas fichaxes “de luxo” para o equipo vigués. Proba diso é que desde a súa chegada o Lavadores sumou dúas vitorias. Un encontro para o que Teixeira confía en contar co apoio da súa afección, como vén sendo habitual nas últimas temporadas. O único que lamenta o técnico é que ata o de agora o público non puidera gozar en Chapela de ningunha das cinco fases de ascenso que levan disputadas nos últimos oito anos. O partido xogarase o sábado, día 11, ás 18.30 horas no pavillón de Chapela.

Fran Teixeira adestrador do BM.Chapela
O técnico advirte que aínda hai marxe para acadar unha praza na fase de ascenso.
Rodosa Chapela-Lavadores
Os vigueses xogarán en Chapela co obxectivo posto en evitar o descenso.
Fase de ascenso
Teixeira lamenta que Chapela nunca puidese acoller o sector da fase de ascenso.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *