A pista de xeo de Redondela amplía o seu horario na última fin de semana que permanecerá aberta, xa que a súa clausura está prevista para este domingo día 22 logo dun mes aberta na Alameda. Os prezos oscilan entre os 5,50 euros que custa a entrada de retirarse nas propias instalación ou os 3,50 no caso de comprala nalgún comercio ou local de hostalaría da Asociación de empresarios.
Os usuarios poderán gozar da instalación durante o fin de semana cun amplo horario. Hoxe estará aberta pola tarde en horario de 16.30 a 24.00 horas; o sábado de 11.00 a 14.00 e de 16.30 a 24.00 horas, e o domingo, con horario ininterrompido de 11.00 a 21.00 horas.
