Hoxe é Luns 26 de Outubro de 2020

A SAR Rodavigo arranca a segunda volta coa “presión” de repetir os bos resultados da primeira

RR_Noticias

Malia ser un dos equipos máis modestos da División de Honra Prata, as de Redondela lideraron a táboa durante varias xornadas. Logo dunha espléndida primeira volta, chegaron ao ecuador da competición na quinta praza, a tan só tres puntos do líder, o Xixón.

O adestrador, Lisardo Covelo “Chini”, rescoñece que os resultados foron “moito mellores” do que se agardaba na súa segunda temporada en Honra Prata. Agora afrontan a segunda volta “con máis presión” porque deixaron o listón “moi alto”. Recoñece que existe “certo medo” de non poder cumprir coas expectativas, malia que asegura que “traballarán e pelexarán” para manterse entre os cinco mellores. Advirten que a tarefa será complicada, nunha liga moi competitiva e igualada, onde entre o liderado e a metade da táboa hai tan só catro puntos de distancia. Confían en contar co apoio da afección, que esta temporada está a acudir en masa ao pavillón redondelán para apoiar á SAR Rodavigo, con entradas que rondan os 400 espectadores. “Chini” ten claro que o mérito é das xogadoras, que non aforran “en traballo e coraxe”. Logo do descanso de Nadal, esta fin de semana volven á competición. Arrancan a segunda volta cun longo desprazamento a Santander para medirse ao Uneatlántico Pereda. Un partido complicado ante as terceiras clasificadas do grupo, ao que se sumará a falta de descanso. O equipo viaxará o sábado pola noite e disputará o partido o domingo ás 12.00 horas. Por outra banda, o Rodosa Chapela comeza a segunda volta na casa moi necesitado de puntos. As de Lupo son penúltimas con só dous puntos. Reciben ao Carballal, un dos equipos fortes da liga, o domingo ás 12:30 horas.

Elisardo Covelo "Chini" adestrador
O técnico recoñece que os resultados foron mellores do que agardaban. Agora a presión por repetir o éxito é maior.
Apoio do público
O afeccionados están a acudir en masa ao pavillón redondelá para animar ás xogadoras.
Pereda-SAR
O partido do domingo será difícil tanto pola calidade do rival como polo cansanzo do longo desprazamento.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *