Hoxe é Mércores 28 de Outubro de 2020

O Redondela F.S. confía en escalar ata os primeiros postos da táboa na Liga Galega Sur

RR_Noticias

Malia que actualmente ocupan a novena praza do grupo, no club confían en remontar posicións na segunda volta da competición. O adestrador, Manuel Otero, sinala que a liga está “moi igualada” e confía en que a recuperación dalgúns xogadores lesionados lles permita avanzar posicións.

O técnico recoñece que, malia que compezaron ben a liga, ao longo das xornadas o equipo viviu moitos “altibaixos”. As numerosas baixas do equipo, que chegou a sumar cinco lesionados de maneira simultánea, prexudicou as aspiracións do club. Tamén o “exceso de confianza” vivido a veces no vestiario lles provocou algún “revés” nunha liga que está “mo igualada”. Logo do descanso de Nadal, e xa coa maioría dos xogadores recuperados das súas lesións, volven á competición. Farano unha semana máis tarde que o resto de equipos. A xornada 15º dispútase esta fin de semana e aos redondeláns tócalles visitar a pista do Abetos Gondomar. Pero a petición dos anfitrións, que presentan moitas baixas, van adiar o encontro unha semana. Xogarase o sábado 14, aproveitando a xornada de descanso da liga. En Redondela preparan o encontro coa máxima concentración, sabedores de que se trata dun duro rival. Ocupa a quinta praza do grupo, e malia os cambios que presentaron esta temporada, é un combinado que presenta unha defensa moi sólida. No caso de que persistan as baixas no combinado redondelán, Otero convocará a algún xogador do equipo xuvenil. Esta temporada ata media ducia de rapaces se estrearon xa co primeiro equipo. De feito, a aposta pola canteira é “fundamental” para o técnico, que premia así o traballo dos máis novos.

Manuel Otero adestrador do Redondela F.S.
O club aspira a escalar ata as posicións máis altas da táboa nunha liga moi igualada.
Aposta pola canteira
Otero salienta a aposta do club pola canteira coa incorporación de xogadores xuvenís ao primeiro equipo.
Abetos Gondomar – Redondela F.S.
O econtro disputarse en Gondomar o 14 de xaneiro.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *