Hoxe é Mércores 21 de Outubro de 2020

O PP alega que a Comisión de seguimento non se convoca pola situación de interinidade do goberno

RR_Noticias

Así o afirma o concelleiro de interior Arturo González quen asegura que dende o goberno recollen as peticións dos grupos da oposición, tanto do BNG que ven de solicitar por rexistro que se convoque un pleno extraordinario para debater os últimos acontecementos producidos polas obras de ampliación da AP-9 en Rande, como a solicitude de PSOE e AER quen reclaman a convocatoria urxente da Comisión de Seguimento. De feito asegura González que a petición xa está feita pero que “a comisión non se convoca pola situación de interinidade do goberno”. O edil comprométese a estar “ao lado daqueles veciños de Rande que soliciten a expropiación”.

Membros da Asociación de afectados pola Ampliación da AP-9 volvían concentrarse na mañá de hoxe na zona de Cabanas e Rande. O obxectivo é manter o foco de atención nun lugar no que días atrás as actuacións da empresa construtora eran paralizadas ao poñer en perigo a seguridade dos veciños. Uns propietarios que estudan solicitar a expropiación das súas vivendas “ao comprobar que coa ampliación van quedar baixo a ponte” o que lles vai restar calidade de vida”. Dende o goberno local aseguran que “imos estar ao lado dos veciños que soliciten a expropiación”. O concelleiro de interior entende que malia que dous anos atrás estes propietarios non solicitaron a expropiación “agora teñen dereito a rectificar e nos apoiaremos a aqueles que así o decidan”. Negan as críticas da oposición que lles recriminan “ocultar información por non convocar unha comisión de seguimento na que está presentes todos os grupos políticos e os veciños”. Neste sentido apunta González que “a comisión de seguimento non se convoca pola situación de interinidade do goberno, descoñecemos se a xente que viña en representación e Fomento vai seguir sendo a mesma” e conclúe asegurando que non teñen problemas en convocar, tal e como ven de reclamar o BNG, un pleno extraordinario para abordar esta cuestión “decidirase na xunta de portavoces que se celebra mañá martes”.  

Arturo González edil de Interior
Unha comisión pendente da formación de goberno
Expropiación
Apoio a aqueles veciños que decidan solicitar esa expropiación
Compromisos por escrito
Nas comisión hai actas que recollen os compromisos de Fomento e da empresa

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *