Hoxe é Xoves 11 de Agosto de 2022
Stations
NOTHING FOUND!
Current listeners: 
Peak listeners: 

Redondela acolle un recital multilingüe dentro do obradoiro internacional Con barqueira e Remador

RR_Noticias

A Illa de San Simón acolle ata o vindeiro sábado a V edición do taller de tradución poética Con barqueira e Remador, coa participación de seis recoñecidos poetas e tradutores procedentes de diversos países baixo a coordinación da poeta galega Yolanda Castaño. Como actividades paralelas e abertas a todo o público o Multiúsos celebra este venres 21 ás 20:00 horas un recital poético multilingüe onde se escoitarán os textos orixinais de cada un dos convidados e a súa tradución ao galego.

Nesta V edición, patrocinada pola Consellería de Cultura e o Concello, participan a galega Dolores Tembrás, o croata Damir Sodan, a búlgara Tsvetanka Elenkova, o estoniano Igor Kotjuh, a galega e poeta en castelán Miriam Reyes e o ucraniano Ostap Slyvynsky. Durante toda a semana terán a oportunidade de intercambiar experiencias, opinións e puntos de vista e traballarán para traducir os poemas dos seus compañeiros a súa lingua de orixe.
Este autores participarán tamén nos diferentes actos abertos e gratuítos que se van desenvolver na Casa da Luz en Pontevedra o día 19, no Mercado do Progreso en Vigo o día 20 e xa o venres en Redondela ás 20:00 horas no Multiúsos. Uns recitais poéticos multilingües que permitirán escoitar o texto no idioma orixianal dos seus autores seguidas das traducións ao galego.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará