Hoxe é Mércores 28 de Outubro de 2020

Alén Nós proxecta Arde Madrid, un documental sobre os nenos da guerra civil

RR_Noticias

A Casa da Cultura acolle este venres ás 20:00 horas a proxección do documental Arde Madrid, una obra na que Antonio Caeiro repasa a situación que viviron os nenos españois durante a Guerra Civil. Historias e vivenzas persoais do día a día en Madrid dende o fatídico 18 de xullo dO 1936 ata aquel outro do 1 de abril de 1939. Unha actividade enmarcada dentro do ciclo Memoria e Vida que organiza a asociación Alén Nós.

Arde Madrid comeza cunha viaxe ao pasado duns nenos que viviron a súa infancia e adolescencia no medio dunha batalla que ía a decidir o seu futuro naquel presente dos anos trinta. É tamén unha viaxe física polo baixo terra da cidade que os retivo, ao lombo dun transporte que os comunicou e que, ao mesmo tempo, deulles refuxio: o metro de Madrid. Ángeles García-Madrid, recentemente falecida, sae da súa casa e introdúcese no subterráneo do que van saer historias da infancia. Cando volven sair á rúa o país cambiara e só queda á vista o lugar ó que foran a vivir boa parte dos seus amigos e que sirve tamén como final do documental: o cemiterio do Este. Eduardo Haro Tecglen, Concha Carretero, Vicente Ibáñez, Manuel Sánchez, Carmen Ortiz, Maruja Borrel, Martín Blanco, Felisa Trampal, Carlos Sáchez, Nieves Torres, Cristobal Yagüe, Jesusa Martín e Julia Redondo son as persoas cuxos testemuños quedan refletidos no documental ao longo dos 57 minutos que dura.  

Arde Madrid
Documental de Antonio Caeiro

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *