Hoxe é Sábado 28 de Novembro de 2020

Xornada “Muller e liderado” na escola de Igualdade María Vinyals en Soutomaior

RR_Noticias

O obxectivo da xornada, que se celebra este xoves 28 no Castelos de Soutomaior, é crear un espazo de aprendizaxe e intercambio no que analizar o liderado feminino e dar resposta ás necesidades do mercado actual respecto ao autoliderado e ao liderado de equipos, a través de conferencias, exposicións e obradoiros cun fin divulgativo e formativo. Ademais, tenta contribuír ao empoderamento das mulleres e ao seu desenvolvemento persoal e profesional. As inscricións pódense formalizar na páxina http://www.mullereliderado.com

A Escola de Igualdade María Vinyals acolle este xoves 28 a xornada “Muller e liderado” dirixida a todas aquelas persoas que queiran mellorar o seu liderado persoal e profesional,  así como descubrir ferramentas e estratexias que lles permitan desenvolver a súa capacidade para autoxestión de persoas e equipos ou axudar ao desenvolvemento doutras persoas: mulleres líderes, directivas, mulleres emprendedoras, organizacións públicas e privadas, profesionais de recursos humanos, orientadoras e orientadores laborais e profesionais ou persoas con interese en estratexias de liderado e xénero. As inscricións para a xornada, totalmente gratuíta, pódense facer xa a través da páxina web http://www.mullereliderado.com. No formulario haberá que seleccionar un dos seis obradoiros que, ao longo da mañá, se impartirán de xeito simultáneo (no caso de estar completo o aforo dalgún deles, fixado en 35 persoas, recibirase un aviso indicándoo para poder escoller outro). Nesta mesma páxina web tamén se pode consultar o programa completo da xornada e demais información relativa á mesma e ás mulleres poñentes.  

Carmela Silva presidenta Deputación
Fálanos da xornada

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *