Hoxe é Domingo 18 de Abril de 2021

Arrancan as visitas teatralizadas no Castelo de Soutomaior

RR_Noticias

Dentro do Plan de Usos e Viabilidade do Castelo que ten en marcha a Deputación de Pontevedra, unha das primeiras accións encamiñadas a atraer público familiar a este inmoble atópanse as visitas teatralizadas que se van desenvolver entre o 23 de setembro e o 23 de outubro. Teñen un custe de 2 euros e cómpre inscrición previa en Turismo Rías Baixas.

O obxectivo é promover unha forma distinta de coñecer este enclave turístico, achegarnos ó novo tipo de turista que visita a provincia, máis interesado na oferta cultural e de ocio, e impulsar a desestacionalización do turismo.
As visitas teatralizadas ó castelo de Soutomaior durarán aproximadamente 45 minutos e nelas actores e actrices, vestidos de época, revivirán algúns momentos da historia do castelo. Durante o percorrido, que se vai desenvolver tanto dentro como fóra do castelo, os visitantes poderán ver desde a Pedro Madruga, ata María Vinyals ou Emilia Pardo Bazán.
As visitas, que terán lugar de xoves a domingo (os xoves e venres ás 5 da tarde, os sábados ás 11 da mañá e ás 5 da tarde e os domingos ás 11 da mañá) terán un custe de 2 € e necesitan reserva previa por teléfono en Turismo Rías Baixas.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *