Hoxe é Mércores 21 de Outubro de 2020

Marcos Montes: “Nin agora somos tan malos, nin antes eramos os mellores de todos os tempos”

RR_Noticias

O adestrador do Choco recoñece que as numerosas lesións están a prexudicar ao equipo, que se atopa nunha situación “delicada”. Con tan só unha vitoria en catro xornadas, os redondeláns terán outra dura proba o domingo ante o líder, o Vilalbés.

Desde que comezou a temporada o C.D. Choco acumula cinco importantes baixas: Silva, que arrastra unha pulbalxia que os médicos valoran se precisará intervención cirúrxica; Óscar que ten para un mes na enfermería; Richar, que se incorpora en 15 días; Suso, pendente dunha resonancia e o porteiro Adrián, que esta semana se sumará xa aos adestramentos. Ás baixas médicas súmase esta temporada a ausencia de xogadores importantes como Hugo Sanmartín ou Fernando Beltrán, que agora militan no Coruxo. Ademais, o feito de que o Choco se clasificara para o “play-off” a pasada campaña obrigou aos xogadores a prolongar a temporada un mes máis, o que lles restou tempo de descanso. Con todo, e malia a delicada situación do equipo en postos de descenso, Montes afirma que “non é preocupante”, xa que só pasaron catro xornadas. Asegura que co traballo diario e a recuperación paulatina dos lesionados o equipo mellorará nas vindeiras xornadas. Sinala que nin o equipo é agora “tan malo” nin cando se clasificaron para a fase de ascenso eran “o mellor Choco de todos os tempos”. Recoñece que o equipo ten que dar “un paso adiante”, e o próximo chanzo é un duro rival. O domingo visitan o campo do Vilalbés, líder do grupo e que conta todas as xornadas como vitorias. Pero o adestrador redondelán advirte que os lucenses tamén teñen “eivas”, e que o seu obxectivo será aproveitarse delas e evitar “os erros propios”. O encontro será no Estadio Municipal A Magdalena  

Marcos Montes adestrador do C.D. Choco
O seu compromiso é o traballo diario para que o equipo dea un paso adiante.
Lastrados polas lesións
O equipo suma cinco baixas desde o comezo de liga.
Vilalbés-Choco
Un rival moi duro pero que tamén ten eivas.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *