Hoxe é Martes 20 de Outubro de 2020

O BNG denuncia que galpóns e galiñeiros terán que pagar contribución coa regularización catastral

RR_Noticias

A formación nacionalista inicia este venres unha rolda de charlas pola parroquias co obxecto de informar aos veciños das consecuencias que a aplicación do Plan de Regularización aprobado polo Ministerio de Facenda pode ter nas súas economías. Alertan de que a nova normativa obriga a pagar por alpendres, galpóns, pendellos e cortes cando ata o de agora estas construcións estaban exentas deste gravame. Animan aos veciños a informarse e a recorrer naqueles casos nos que sexa posible “para eludir unha normativa manifestamente inxusta”. A primeira das charlas será o venres ás 21:00 horas no Centro Cultural de Cedeira.

O goberno español aprobou en setembro de 2013 unha resolución da Dirección Xeral do Castastro que insta os concellos a revisar as edificacións. Así, todas as instalacións agrarias pasarán a pagar o Imposto de Bens Inmóbeis (IBI) mesmo aquelas que até o de agora ficaban exentas deste tributo como cortes, galiñeiros, galpóns ou pendellos. A medida suporá un importante impacto para as familias rurais, que deberán pagar unha taxa de regularización de 60 euros ademais de pasar a computar ese elemento como unha construción máis gravada co IBI. Para informar das diferentes situacións ás que pode dar lugar a aplicación desta normativa o BNG inicia unha rolda de charlas informativas que arrancan este venres ás 21:00 horas en Cedeira e que contará coa presenza do portavoz municipal do BNG en Soutomaior, Manu Lourenzo quen cualifica esta regularización de “manifestamente inxusta” e lembra situación esperpéntica “como pretender que os propietarios paguen por pozos ou incluso medas de esterco”. Lembran tamén dende o Bloque que “existen outros mecanismos máis xustos por parte dos concellos para manter actualizado o catastro e destapar os posibles inmobles ilegais sen necesidade de gravar un alpendre ou incluso un pozo”. A campaña que se vai desenvolver baixo o lema “O catastrazo a nova contribución” arranca este venres en Cedeira e ademais de informar achegaráselles aos veciños as posibilidades de recurso ante a aplicación deste Plan.  

Manu Lourenzo BNG Soutomaior
Explica as consecuencias dunha regularización feita por unha empresa privada
Informar aos veciños
Das consecuencias de aplicar este plan
Alternativas dos Concellos
Hai outras fórmulas para controlar as ilegalidades

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *