Hoxe é Xoves 29 de Outubro de 2020

Medio Ambiente rexenerará a praia de Rande con 112 toneladas de area

RR_Noticias

Os temporais do inverno afectaron gravemente á praia de Rande que quedou practicamente sen area. A primeira opción da Concellería de Medio Ambiente para solucionar esta situación pasaba por desprazar a area da zona de baño cara arriba tal e como así recomendaban os técnicos. Unha opción que finalmente foi descartada ao comunicárselle dende a confraría que nesa zona se realizan labores de extracción de navalla. Finalmente a rexeneración da praia farase coa achega de 112 toneladas de area natural.

Explica o edil responsable deste departamento Miguel Ángel Álvarez Ballesteros que os temporais do pasado inverno provocaron que “a area aportada hai dous veráns a esta zona do litoral se desprazara para a zona intermareal”. Para subsanar esta situación e tal e como recomendaban os técnicos a primeira opción “por ser a máis económica e a que semellaba máis sostible medioambientalmente pasaba por redistirbuir a area da zona intermareal ás zonas máis altas”. Unha opción que, malia contar cos permisos pertinentes de Costas, foi finalmente descartada ao alertar a Confraría de pescadores que nesa zona estase a traballar na extracción de navalla e que unha acción destas características podería ter consecuencias negativas no marisqueo”. A alternativa final pasa pola achega de areal procedente da sedimentación dos ríos que será depositada nos vindeiros días nesta praia, mellorando así considerablemente esta zona de baño.  

MIguel Angel Álvarez Ballesteros edil Medio Ambiente
112 toneladas de area

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *