Hoxe é Martes 11 de Maio de 2021

As obras de ampliación de Peinador en horario nocturno están a afectar ós veciños de Vilar

RR_Noticias

Esquerda Unida denuncia estes traballos, que se están a levar a cabo todas as noites desde hai uns meses. Na última semana estase facendo o desterro e transporte da terra, picado de pedras, etc., o que “intensifica o ruído e o trafico pesado”. Estas obras afectan principalmente ós veciños da Baixada os Eidos de Vilar.

A ampliación da pista do aeroporto de Peinador ten por obxecto “gañar 8 minutos nas operacións de aterraxe e despegue” das aeronaves. Por outra banda servirá para facer un acceso directo da AP-9, e conta cun orzamento de 8,5 millóns de € . EU lembra que cando se proxectou a ampliación estimábase que o aeroporto alcanzaría os 4 millóns de pasaxeiros ó ano. Pero os datos revelan outra realidade. Dende o ano 2007 o aeródromo vigués perdeu 576.280 pasaxeiros, rexistrando a finais do ano 2012 un total de 828.720 viaxeiros. Un declive que Peinador non foi quen de superar malia contar con varias subvencións por un total de 2 millóns de € ó ano para os voos de baixo prezo. Dende Esquerda Unida opóñense a esta “faraónica” ampliación que vai “dilapidar” 67,8 millóns de euros do erario publico, nun aeroporto que consideran “non competitivo e deficitario”. Advirten tamén que cando entre en funcionamento o AVE Peinador será “inviable economicamente”. Esta situación leva a EU a demandar do goberno municipal “que defenda os intereses dos veciños” de estas infraestruturas como o aeroporto, AVE e AP-9, que “precarizan” a súa calidade de vida e “empobrecen” o seu benestar social ao desviar “millonarias partidas de prestacións publicas para petos privados”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *