Hoxe é Xoves 22 de Outubro de 2020

A maxia máis preto

RR_Noticias

O Concello de Redondela organiza un ano máis o ciclo Búrbida Máxica que hoxe comeza coa súa terceira edición, e que continuará os venres 15 e 22 de febreiro no Multiusos da Xunqueira. Os magos Noel, Xosé e Eloy Crespo abren esta noite o certame con malabares, maxia de salón e mentalismo. A cita é ás 21.00 horas con entrada de balde.

Tras a boa acollida do pasado ano preséntase unha nova edición de Búrbida Máxica, co apoio da Concellería de Cultura que aposta por unha nova proposta de lecer e cultura dirixida a xente nova e curiosa. Alberto Pazos, concelleiro de Cultura, salienta que se trata de “maxia de proximidade”, unha arte que en Redondela sempre tivo “moi boa acollida”. De feito o público, lonxe de sentar e ver o espectáculo no auditorio, deberá “atopar ao Mago”. Os magos estarán dispersos en tres sitios pouco convencionais .Na entrada repartirá cartóns de cores entre os asistentes e estes deben atopar a sala cuxo cor corresponda á súa entrada e empezará aí o seu percorrido máxico, polos diferentes espazos. O público será protagonista en todo momento do espectáculo, tomando decisións nos números e moitas veces serán os encargados de acabar o experimento. Hoxe á quenda dos magos Noel, con malabares, e os redondeláns Xosé e Eloy Crespo, con maxia de salón e mentalismo respectivamente. O 15 de febreiro estarán en Redodela os magos Eloy Mateos, que ofrece un espectáculo no que mistura o jazz, Xulio, con micromaxia, e Alán Golías, creador de grandes ilusión. O certame péchase o venres 22 de febreiro coa maxia de proximidade de Keko, a de salón de Xermán e a actuación especial do Mago Romarís, coa súa “maxia enxebre”.  

Maxia de proximidade
O concelleiro Alberto Pazos fala do certame Búrbida Máxica.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *