Hoxe é Mércores 28 de Outubro de 2020

Samaín, magosto e serán en Redondela

RR_Noticias

As asociacións Xoeira, Millo Verde e Santa María do Viso organizan mañá mércores obradoiros para os nenos, un magosto, un serán popular e unha queimada. As actividades celébranse na Alameda de Redondela, na que será xa a súa sexta edición, e están abertas a todo o público. As asociacións lamentan que por primeira vez o Concello non colabore na realización desta festa popular, unha decisión que lles foi comunicada polo goberno local onte luns.

As actividades comezarán ás 17:30 horas, con diversos obradoiros para nenos e nenas de decoración de cabazas (os nenos deberán traer a súa propia), obradoiro de maquillaxe e outro de manualidades. As 18:00 horas comezará o Magosto con castañas para todos os asistentes, e a novidade deste ano será o Concurso de Sobremesas con Cabaza ou Castañas que dará comezo as 20.30. Os organizadores animan a toda a xente que o desexe a participar. Durante a xornada haberá ambientación musical ata chegar as 21:30 horas, momento no que dará comezo o Serán popular no que calquera grupo tradicional é benvido a tocar, e rematarán cunha queimada e máis sorpresas. Miriam Lamas, de Xoeira, explica que se trata dunha celebración “para toda a familia” na que se poñen en valor “as tradicións galegas” para compartir un serán festivo entre as diferentes xeracións. A nota negativa desta sexta edición do Samaín foi a decisión do Concello de Redondela de non colaborar co evento. As asociacións “lamentan” que a concellería de Cultura lles comunicara onte luns que non terán subvención municipal. Lamas explica que se trata dunha festa “moi participativa” na que colaboran moitas persoas de xeito voluntario, e que integra á súa vez o Magosto de Redondela e o único Serán urbano da Vila. As asociacións participantes consideran “inexplicable” que unha actividade “consolidada e deste calado”, sufra “este menosprezo” e que todo o peso da súa organización recaia plenamente nas tres asociacións “sen apoio, colaboración, nin axuda” por parte do Concello. Tamén dende a Plataforma pola Defensa da Cultura laméntase que se sigan dando por parte do Concello de Redondela este tipo de situacións “que dificultan o traballo e as actividades de moitas asociacións en prol dos veciños de Redondela”.  

Miriam Lamas de Xoeira
Preparan un serán de festa tradicional e participativa.
Falta de colaboración do Concello
As asociacións lamentan que por primeira vez non van contar con axuda do Concello de Redondela.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *