Hoxe é Martes 28 de Setembro de 2021
History
Stations
NOTHING FOUND!

O pleno de Redondela debate a cesión do Centro de Saúde de Chapela ó Sergas

RR_Noticias

A corporación de Redondela celebra esta tarde a sesión plenaria correspondente ó mes de outubro. Entre os asuntos a tratar está a cesión do centro de saúde de Chapela ó Sergas. Deste xeito o concello redondelán poderá aforrar uns 30.000 euros anuais, que corresponde ós gastos de mantemento, limpeza, calefacción e electricidade do centro.

No pleno, que comezará hoxe ás 20.00 horas no Multiusos da Xunqueira, tamén se abordará a modificación da representación veciñal no Consello Parroquial de Chapela. A corporación votará tamén a adxudicación dos postos nos mercados municipais de Redondela e Chapela e a aprobación de dúas ordenanzas. Unha delas para regular os prezos públicos por cursos e outras actividades en establecementos municipais, e outra para regular as taxas cando se instalen tubaxes, tendidos ou aparellos para a venda automática na vía pública ou terreos municipais. Entre os asuntos máis polémicos da sesión será a comparecencia do concelleiro de Vías e Obras, Cándido Vilaboa, que explicará a actuación municipal polo vertido de terras no monte comunal de Reboreda.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *