Hoxe é Sábado 6 de Marzo de 2021

O colectivo Sen Ghasoil anima ós veciños a participar coas súas obras no Artelixo 2012

RR_Noticias

Os interesados en participar nesta iniciativa artística e ecolóxica tan só teñen que enviar un bosquexo da obra ao enderezo artelixo2012@yahoo.es, antes do 15 de agosto, e indicar o material co que a van realizar. A exposición será do 27 de agosto ao 7 de setembro pola alameda de Redondela, as rúas e prazas.

A recentemente estreada asociación Sen Ghasoil, pon en marcha o Artelixo 2012, unha mostra artística que pretenden recuperar para Redondela, 12 anos despois de que o colectivo Josefá deixase de organizala. Entenden que o problema do lixo continúa sen solución, polo que fan un chamamento á sociedade e convídana a poñer en marcha prácticas máis ecolóxicas e sostibles. Entre o 27 de agosto e o 7 de setembro organizarán na vila diferentes actividades artísticas, entre a que destaca a mostra Artelixo, na que poden participar todos aqueles que estean interesados con obras feitas con material de refugallo que se exporán polas alamedas, prazas e rúas de Redondela. Para participar só deben enviar un correo electrónico ao enderezo artelixo2012@yahoo.es, antes do día 15 de agosto, e que debe incluír un bosquexo da obra, a lapis ou bolígrafo, o nome do autor, o título da obra e o material co que estará feita ( madeira, vidro, ferro, etc. ) Os participantes deben incluír tamén o lugar onde consideran que que debería esta exposto o seu traballo, xa que a organización intentará cumprilo, na medida do posible. As actividades incluirán tamén o Videolixo, coa creación de pequenas curtas ou vídeos caseiros cuxa temática que xirará en torno ao lixo, o Mercalixo, onde dar saída a diferentes obxectos antes de botalos ó lixo, e o Obralixo, onde os máis pequenos poderán crear obras de arte a partir de materiais de refugallo. O Lixorock pechará a programación, un concerto coa participación de todos os grupos ou solistas que o desexen, e que ata o de agora era a única actividade que se mantiña viva nos últimos anos.
 
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *