Hoxe é Sábado 24 de Outubro de 2020

O Colectivo Republicano de Redondela anima aos veciños a apostatar

RR_Noticias

A Casa da cultura acolle hoxe unha charla sobre a apostasía a cargo do filósofo e profesor universitario José Luis Iglesias. Mañá xoves, nos soportais do Concello celebrarase un acto para que todos os que o desexen participen dun acto voluntario de apostasía convocado polo Colectivo Republicano, a FPG e Esquerda Unida.

O colectivo Republicano de Redondela xunto coas agrupación políticas FPG e Esquerda Unida convoca esta actividade como xeito de amosar o seu oposicionamento ao financiamento público e aos actos que estes días se están a celebrar en Madrid co gallo da visita do Papa. Como “contraacto” propoñen aos veciños asistir esta tarde ás 20:30 horas a unha charla en torno á apostasía que correrá a cargo do filósofo e profesor da Universidade de Asturias, José Luis Iglesias. Falarase nesta conferencia do dereito de toda persoa a solicitar que se elimine todo rexistro da súa confesión relixiosa esixindo que se borren os seus nomes dos rexistros eclesiásticos e se lles deixe de considerar como católicos. Os actos convocados continuarán mañá pola tarde cun acto voluntario de apostasía que terá lugar nos soportais do concello e que contará con presenza notarial para dar fe da decisión dos participantes.  

Fernando Carreira Cuchi colectivo republicano
Unha charla sobre a apostasía
Que é apostatar
Un acto voluntario que se poderá exercer na tarde do xoves

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *