Hoxe é Luns 2 de Agosto de 2021

Desaloxan as familias asentadas na parcela do futuro auditorio na Marisma

RR_Noticias

Este foi o primeiro paso necesario para acometer as tarefas de limpeza que dende a mañá de hoxe se están a desenvolver no solar. O concelleiro de Vías e obras, Cándido Vilaboa ordenou a actuación ante o “foco de infeccións e sucidade no que se tiña convertido o lugar”.

O concello de Redondela iniciou hoxe a limpeza do solar de A Marisma onde estaba previsto instalar o futuro auditorio. O solar, situado xunto ao centro de saúde e o instituto Mendiño e por cuxas proximidades descorre un sendeiro peonil, estaba cheo de cascallos, maleza e lixo e chegou a ser empregado por máis de 17 familias de etnia xitana que estaban alí asentadas.
Trátase dunha parcela de 9.900 metros cadrado e na que estaba prevista a construción do novo auditorio, porén logo de varios anos de espera actualmente a parcela estaba abandonada e servía de asentamento a varias familias. De feito, no lugar chegaron a estar acampadas 17 caravanas que carecían de calquera recollida de augas fecais, o que convertera o lugar nun foco de infección e sucidade e con presenza de ratas, segundo explicou o edil de vías e obras Cándido Vilaboa.
Hoxe desaloxaron da zona as últimas 6 familias que aínda permanecían na parcela logo de seren informadas de que se ía iniciar as tarefas de limpeza e roza da mesma.
Durante toda a mañá operarios do concello estiveron a traballar no lugar, un labor que continuará nos vindeiros días por orde do goberno local.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *